Kina dëshiron të nxisë zhvillimin e qëndrueshëm dhe të vazhdueshëm të marrëdhënieve me Britaninë e Madhe duke punuar së bashku me qeverinë e re, tha të hënën në Pekin zëdhënësja e diplomacisë kineze Hua Chunying.
Ajo theksoi se Pekini shpreson gjithashtu të thellojë shkëmbimet dhe bashkëpunimin.
Hua njoftoi se menjëherë pas daljes së rezultateve të zgjedhjeve parlamentare, kryeministri i Kinës Li Keqiang i e uroi homologun David Kameron për fitoren e Partisë Konservatore dhe sigurimin e shumicës parlamentare.
Pas fitores së 8 majit, Nr.10 i Downing Street (selia e qeverisë) njoftoi të dielën formimin e kabinetit të ri. Për herë të parë që nga viti 1997 kabineti do të përbëhet vetëm nga anëtarët e Partisë Konservatore. (Zhang Yan/Leftion Peristeri)