Kina ka dërguar 158 inxhinierë drejt rajonit të Tibetit për të rivendosur pajisjet e telekomunikacionit, të shkatërruara nga tërmeti i së shtunës.
Disa pjesë të Rajonit Autonom të Tibetit në Kinën Perëndimore u prekën nga tërmeti i fuqishëm dhe lëkundjet pas tij.
158 inxhinierë dhe 52 automjete u mobilizuan për rregullimin e 47 stacioneve për komunikimin me wireless, baza këto që dolën jashtë përdorimit pas tërmetit, deklaroi Ministria e Industrisë dhe Tekonologjisë së Informacionit.
Deri tani, 20 prej stacioneve janë vënë në funksionim falë përpjekjeve të inxhinierëve, thuhet në deklaratë.
Ekipet e shpëtimit përballen me reshjet e dendura të dëborës dhe të shiut për të mbërritur në zonat e prekura. Dëbora pritet të përfundojë të hënën, sipas parashikimeve nga Qendra Meteorologjike Kombëtare. (Albana)