Përpara përkujtimit të 70 vjetorit të fitores së Luftës së Dytë Botërore, të 990 dëshmorët e sapo identifikuar të aviacionit do të kenë emrat dhe veprën e tyre të ekspozuar në Muzeun e Aviacionit të Luftës kundër Pushtimit Japonez, në Nanjing të provincës kineze Jiangsu.

Mësohet se mes këtyre aviatorëve 586 ishin kinezë dhe 404 amerikanë. Shtimi i këtyre dëshmorëve e çon në 4.295 numrin e deritanishëm në Muze, ku përfshihen 2.601 amerikanë, 1.456 kinezë, 236 rusë dhe 2 koreanë.

Gjatë Luftës së Dytë Botërore trupa të forcave ajrore nga Kina, SHBA-ja dhe ish Bashkimi Sovjetik luftuan kundër pushtuesve japonezë në Kinë. Muzeu i Nanjing-ut ka mbledhur të dhëna rreth dëshmorëve, përfshirë emrat e tyre, gradat dhe titujt, vendet e origjinës, datën e lindjes dhe të vdekjes, aktet heroike në luftë dhe shkakun e vdekjes. Muzeu do të vazhdojë të kërkojë dëshmorë të tjerë dhe do të krijojë arkiva për secilin prej tyre. (Eda Merepeza)