Ylli kinez i filmave me aksion Jackie Chan tregoi pikëpamjet e tij për këngën temë për Lojërat Olipmike Dimërore të Pekinit 2022 me titull "Zgjoje Dimrin," që e regjistroi në Pekin.

Pekini po konkurron me Almaty-n, kryeqytetin e Kazakistanit, për të pritur Lojërat Olipmike Dimërore.

Chan shpreson se me performancën e tij ndaj audiencës globale do të tërheqë vëmendjen dhe mbështetjen e të gjithë botës për konkurrimin e Pekinit.

"Melodia duhet të jetë në formë jehone dhe e këndshme për të gjithë atletët, me qëllim që ata ta këndojnë së bashku disa herë pasi ta dëgjojnë ," tha Chan.

"Kënga është një apel për paqen botërore dhe një nxitje për frymën olimpike. Besoj se miqësia mes kombeve dhe popujve do të jetë e bardhë si dëbora".

Qytetet europiane si Davos dhe Munich u tërhoqën nga gara, duke i hapur rrugën dy konkurrentëve të vetëm Pekinit dhe Almaty-t. Komiteti Olimpik Ndërkombëtar do të mblidhet në Kuala Lumpur të Malajzisë korrikun e ardhshëm për të shpallur fituesin.