Kina përballet me një detyrë të ndërlikuar dhe të vështirë për të siguruar vende pune në 2015-n, në sfondin e ngadalësimit ekonomik, u shpreh të martën ministri kinez i Burimeve Njerëzore dhe Sigurimeve Shoqërore Yin Weimin.

Rreth 15 milionë studentë duhet të punësohen sivjet, duke përfshirë të diplomuarit në universitete, si edhe ata që kanë kryer shkollat teknike dhe shkollat e mesme, bëri të ditur Yin, duke shtuar se rreth 3 milionë krahë të tepërt pune në zonat rurale do të kërkojnë punë diku tjetër.

Yin i bëri këto komente në një konferencë për shtyp në kuadër të sesionit vjetor të Asamblesë Kombëtare Popullore të Kinës.

Kina synon të krijojë më shumë se 10 milionë vende pune në qytete dhe të sigurojë që papunësia e regjistruar në qytete të mos e kalojë nivelin 4.5 për qind në vitin 2015, sipas raportit të punës të qeverisë të publikuar javën e kaluar.(RAELA)