Presidenti kinez Xi Jinping dhe udhëheqësit e tjerë kinezë premtuan të dielën më shumë përpjekje për zhdukjen e varfërisë, zhvillim në zonat e minoriteteve etnike dhe rindërtimin ekonomik të tyre.

Qeveria kineze synon reduktimin e popullsisë së varfër me rreth 10 milionë këtë vit, sipas raportit të punës së qeverisë së paraqitur të enjten nga kryeministri Li Keqiang për sesionin vjetor të Asamblesë Kombëtare Popullore.

Afro 52 milionë të varfër kinezë, të cilët jetonin nën minimumin jetik prej 2300 juanësh (370 dollarë amerikanë) në vit, dolën nga varfëria gjatë katër viteve të kaluara, sipas të dhënave zyrtare. (Xu Guang/Leftion Peristeri)