Presidenti rus Putin dhe kryeministri italian Renzi janë shprehur se të dyja palët në konflikt në lindje të Ukrainës duhet të zbatojnë saktësisht marrëveshjen e re të Minskut, për të zgjidhur sa më parë krizën ukrainase.

Deklaratat u bënë të enjten pas takimit Putin-Renzi në Kremlin. Në konferencën e përbashkët të shtypit, Renzi tha se marrëveshja e re e Minskut është kyçi i zgjidhjes paqësore të krizës së Ukrainës, duke shtuar se Italia merr pjesë në veprimtarinë e OSBE-së.

Putin dhe Renzi u shprehën për shtimin e bashkëpunimit në tregti, teknologjinë e avancuar si dhe në investimet dypalëshe. Renzi ka zhvilluar një vizitë të shkurtër në Ukrainë ku është takuar me presidentin Poroshenko.