Kandidatura e Pekinit për të organizuar Lojërat Olimpike Dimërore 2022 pritet të përshpejtojë procesin e kontrollit të ndotjes së ajrit në kryeqytetin kinez dhe gjithë vendin. Kështu u shpreh në një konferencë shtypi të hënën zëdhënësi i sesionit vjetor të Komitetit Kombëtar të Konferencës Konsultative Politike të Popullit Kinez Lv Xinhua, duke shtuar se pret që Pekini do të zhvillojë një "Olimpiadë Blu".

Pekini dhe qyteti tjetër partner i tij, Zhangjiakou, rreth 200 km në veriperëndim, kanë pasur epërsi konkurruese, por bllokimet e trafikut dhe ndotja e ajrit mund të jenë pikat e dobëta.

Nëse kandidatura përshpejton përpjekjet e Pekinit për të pastruar ajrin, objektivi i mëparshëm i kryeqytetit kinez për kontrollin e ndotjes ndoshta do të arrihet para kohe, tha zëdhënësi, duke iu referuar masterplanit të mjedisit të Pekinit (2015-2030) ku ajri i pastër është një element kryesor. (Artani)