Zëdhënësi i sesionit të 3-të të Komitetit Kombëtar të Konferencës Konsultative Politike të Popullit Kinez (KKPPK) Lv Xinhua u shpreh të hënën në Pekin se KKPPK-ja nuk është strehë për të korruptuarit.

Lv Xinhua theksoi që zyrtarët e lartë të shtetit, si Ling Jihua, Su Rong dhe 6 zyrtarë të lartë vendorë, e kanë dëmtuar rëndë reputacionin e KKPPK-së.

"Në mënyrë të vendosur, ne mbështesim hetimet ndaj tyre sipas ligjit përkatës. Megjithëse ajo që kanë bërë ata ka ndodhur kryesisht gjatë ushtrimit të detyrës së tyre jashtë KKPPK-së, përsëri ata e kanë dëmtuar rëndë emrin e këtij organi të lartë shtetëror. KKPPK-ja duhet medoemos të shtojë më tej luftën kundër korrupsionit," theksoi Lv Xinhua. (Jiang Lei/Artani)