Qeveria kineze po shpejton raundin e ri të reformave për kompanitë shtetërore, duke u fokusuar mbi pronësinë e aksioneve nga punonjësit.

Kryetari i bordit i Grupit Ndërkombëtar të Portit të Shangait, Chen Xuyuan thotë se kompania e tij ka punuar për disa muaj për krijimin e paketave të aksioneve.

"Lejimi i punonjësve tanë për të blerë aksione do të favorizojë jo vetëm rritjen e të ardhurave të tyre, por edhe zhvillimin e përgjithshëm të kompanisë. Ofrimi i aksioneve do të forcojë besnikërinë, duke ndihmuar në arritjen e suksesit tonë," tha Chen.

Plani i reformës që ka një bazë të gjerë pritet të miratohet në sesionin vjetor të Asamblesë Kombëtare Popullore dhe Konferencën Konsultative Politike që do të mbahen muajin tjetër në Pekin. (Zhang Yan/Leftion Peristeri)