Tenistja kineze Li Na, tashmë e tërhequr nga sporti është nominuar për çmimin " Laureus" për këtë vit, duke u bërë e para atlete kineze kandidate për këtë çmim. Dy herë fituese e kampionatit botëror të tenisit Grand Slam, Li Na njoftoi tërheqjen nga sporti vitin e kaluar.

Arritjet e saj në sport veçanërisht si e vetmja lojtare aziatike, në rradhët e femrave dhe meshkujve kanë shënuar një sukses në sportet e Azisë. Ndërkohë mësohet se tenisti Novak Djokovic, shoferi i Formula 1 Lewis Hamilton, lojtari i golfit Rory Mcilroy dhe ylli i Real Madridit, Cristiano Ronaldo janë nominuar gjithashtu për çmimet e vitit.

Finalistët që do të nderohen me çmime do të bëhen të njohur gjatë një ceremonie, që zhvillohet më 15 prill në Shangai. (Eda Merepeza)