Ambasadori kinez në Britaninë e Madhe Liu Xiaoming tha të enjten se në vitin 2014 vëllimi tregtar mes dy vendeve arriti në 80 miliardë dollarë. Britania e Madhe tejkaloi Holandën, duke u ribërë partneri i dytë më i madh tregtar i BE-së.

Liu tha se, viti 2014 ishte vit i rëndësishëm për marrëdhëniet kino-britanike, me shumë ngjarje të rëndësishme dhe shkëmbime të nivelit të lartë. Kryeministri kinez Li Keqiang pati një vizitë të suksesshme në Britani dhe zhvilloi takimin vjetor të kryeministrave kino-britanikë. Të dyja palët publikuan deklaratën e përbashkët ku u zotuan për thellimin e bashkëpunimit dypalësh dhe për zgjerimin e marrëdhënieve të partneritetit të gjithanshëm strategjik. Ai shtoi gjithashtu se Kina dhe Britania e Madhe përcaktuan vitin 2015 si "vitin e shkëmbimeve kulturore mes dy vendeve", që do të sjellë një rritje të shpejtë të shkëmbimeve kulturore midis dy vendeve.