Kryeministri kinez Li Keqiang dhe homologu i tij kazakistanas Karim Masimov zhvilluan të dielën pasdite në kryeqytetin e Kazakistanit Astana takimin e dytë të rregullt të kryeministrave të të dy vendeve.

Gjatë takimit, Li Keqiang u shpreh se marrëdhëniet e partneritetit të gjithanshëm strategjik kino-kazakistanase zhvillohen në bazë të barazisë e të respektit të ndërsjellë. Pala kineze dëshiron të zgjerojë më tej bashkëpunimin dypalësh në të gjitha fushat, për t'u sjellë përfitime të dy popujve dhe për të nxitur stabilitetin e zhvillimin rajonal.

Nga ana e tij, Karim Masimov tha se zhvillimi i marrëdhënieve të fqinjësisë së mirë me Kinën është një nga përparësitë e punëve të jashtme të Kazakistanit. Pala kazakistanase merr pjesë aktivisht në ndërtimin e Brezit Ekonomik të Rrugës së Mëndafshit dhe të Bankës Aziatike të Investimeve në Infrastrukturë dhe ka forcuar bashkërendimin e bashkëpunimin me palën kineze brenda kornizës së Organizatës së Bashkëpunimit të Shangait, për të nxitur zhvillimin e përbashkët të marrëdhënieve dypalëshe e rajonale.

Pas takimit, të dy kryeministrat nënshkruan një sërë dokumentesh bashkëpunimi në fushën ekonomiko-tregtare, energjetike, financiare etj.

foto nga www.gov.cn