Presidenti i Kinës Xi Jinping u takua të mërkurën në Sidnei me guvernatorin e shtetit australian të Uellsit të Ri të Jugut Mike Baird.

Gjatë takimit, Xi Jinping theksoi se marrëdhëniet kino-australiane ndodhen në periudhën më të mirë në histori. Të dyja vendet kanë vendosur të krijojnë partneritetin e gjithanshëm strategjik mes tyre, të përfundojnë bisedimet për marrëveshjen e tregtisë së lirë dypalëshe dhe të krijojnë mekanizmin e bashkëpunimit dhe shkëmbimeve njerëzore e kulturore, duke hapur perspektivë të gjerë edhe për bashkëpunimin e shtetit të Uellsit të Ri të Jugut me Kinën. "Shpresoj se do të shfrytëzojmë mundësitë për zgjerimin e bashkëpunimit dypalësh, veçanërisht për pjesëmarrjen më aktive në zhvillimin e pjesës perëndimore të Kinës," vuri në dukje kreu i shtetit kinez.

Guvernatori i Uellsit të Ri të Jugut Mike Baird vuri në dukje nga ana e tij se vizitën e parë pas marrjes së këtij posti ai e bëri në Kinë, duke shtuar se vizita e presidentit Xi ka nxitur bashkëpunimin kino-australian dhe ka krijuar më shumë mundësi për Uellsin e Ri të Jugut. "Ne përkrahim shkëmbimet rajonale mes të dy vendeve dhe kemi vendosur të zhvillojmë bashkëpunimin miqësor afatgjatë me Kinën," vuri në dukje Baird. (Fang Xiaoyu)