Në kuadër të bursës mes Shangait dhe Hong Kongut do të nisë më 17 nëntor tregtimi i aksioneve, bëhet e ditur në një deklaratë të përbashkët të lëshuar të hënën nga vëzhguesit e letrave me vlerë të Kinës kontinentale dhe Hong Kongut.
Kryeekzekutivi i Hong Kongut Cy Leung e komentoi këtë ngjarje, pas takimit me presidentin e Kinës Xi Jinping, gjatë punimeve të APEK-ut.
" Presidenti iu përgjigj pozitivisht kërkesës sime lidhur me zbatimin sa më parë të tregtimit të aksioneve mes Shangait dhe Hong Kongut. Kjo nismë e re kontribuon që Hong Kongu të bëhet jo vetëm qendra më e hapur e financës ndërkombëtare në vend, por një qendër globale financiare e mbarë botës."
Ky mekanizëm tregtar synon lejimin e investuesve ndërkombëtarë të blejnë aksione në Shangai, por në të njejtën kohë u jep mundësi investuesve nga Kina kontinentale të blejnë aksione të listuara në Hong Kong. (Eda Merepeza)