Qeveria kineze ka njoftuar planet për të dërguar më shumë se një mijë veta personel shtesë mjekësor dhe ekspertë në Afrikën Perëndimore në muajt e ardhshëm për të ndihmuar në luftën kundër ebola-s.

Kina ka dërguar deri tani një staf prej 250 vetash në Guinea, Liberi dhe Sierra Leone.

134 prej tyre janë ende duke punuar në terren në zonën e prekur nga virusi.

Një ekip i ri prej 12 trajnuesish të shëndetit publik do të nisen për në Sierra Leone të dielën. Ata do të ndihmojë për trajnimin e rreth 10 mijë vetave atje.

Ndërkohë, kryeministri australian Tony Abbott konfirmoi se vendi i tij ka dërguar një staf mjekësor në një spital për ebola-n të ndërtuar nga britanikët në Sierra Leone. (Leftion Peristeri)