Fondi i Kombeve të Bashkuara për Fëmijët, UNICEF po kërkon më shumë mbështetje nga komuniteti ndërkombëtar për të luftuar ebola-n në Afrikën Perëndimore.

Komisionerja e krizave e UNICEF, Sarah Crowe, u kthye në Nju Jork pasi qëndroi për pesë javë në Afrikën Perëndimore.

"Frika mund të shkaktojë paraliza dhe nuk na ndihmon. Mesazhi ynë është i qartë, ne mund të veprojmë në terron nëse marrim masat e nevojshme. Agjencitë që po punojnë kanë nevojë për mbështetje më të gjerë. Mënyra e vetme për të luftuar ebola-n është mbështetja e punës në terren," tha Crowe.

Crowe shtoi se virusi ka vrarë deri tani 3,700 fëmijë jetimë në mbarë rajonin. Kombet e Bashkuara kanë filluar trajtimin e të mbijetuarve të cilët tani kanë fituar një nivel imuniteti.

Mbi tetë milionë fëmijë dhe të rinj jetojnë në zonat e infektuara, njofton UNICEF. (Leftion Peristeri)