Kryeministri kinez Li Keqiang u takua të enjten në Milano me homologun grek Antonis Samaras.

Li Keqiang u shpreh se bashkëpunimi midis dy vendeve ka hyrë në një fazë të re. "Qeveria mbështet ndërmarrjet kineze që të marrin pjesë në projektet e privatizimit në Greqi dhe dëshiron bashkëpunim konkret me në ndërtimin e infrastrukturës, të projekteve detare, të transportit, financiare etj," theksoi Li. Kreu i qeverisë kineze u shpreh për nxitjen e besimit reciprok midis Azisë dhe Evropës si dhe të partneritetit të gjithanshëm strategjik midis Kinës e Greqisë në nivelin më të lartë, duke shënuar përfitime reciproke.

Nga ana e tij kryeministri Samaras u shpreh se Greqia mirëpret firmat kineze në procesin e privatizimit dhe të nxitet projekti i portit të Pierut për forcimin e bashkëpunimit në transportin detar, infrastrukturë, financa etj. Ai theksoi se duhet të nxitet besimi reciprok midis Azisë dhe Evropës dhe të zhvillohen më tej marrëdhëniet greko-kineze dhe evropiano-kineze.