Përfaqësuesit kinezë paraqitën disa propozime lidhur me rimëkëmbjen e ekonomisë botërore në takimin vjetor të FMN-së dhe të Bankës Botërore, që u zhvillua kohët e fundit në Uashington.

Në praninë e 188 anëtarëve të organeve financiare rajonale dhe botërore, zv.drejtori i Bankës Qendrore të Kinës Yi Gang mbajti një fjalim, ku theksoi se zhvillimi i ekonomisë globale ende përballet me paqëndrueshmëri.

"Progresi i ekonomive të zhvilluara është i ndryshëm, ndërsa rritja e ekonomive të reja ka paraqitur shenja ngadalësimi edhe pse ka mbetur në nivel të lartë. Nën kushtet e një situate të tillë, ne duhet të zbatojmë me vendosmëri politikat për nxitjen e punësimit dhe të zhvillimit, duke frenuar tkurrjen e ekonomisë, si dhe për gjetjen e më shumë mundësive të zhvillimit", tha z. Yi.

Për ekonominë kineze, zv.drejtori i Bankës Qendrore tha se situata makroekonomike dhe financiare e vendit mbetet e qëndrueshme, dhe do të vijojë nxitja e reformimit të strukturës aktuale për të ruajtur shpejtësinë e rritjes në një shkallë të arsyeshme.

(Zhang Yan)