Mbi 140 të armatosur dhe trupa të sigurisë janë vrarë gjatë konflikteve ushtarake mes forcave qeveritare dhe militantëve të IS-it. Lajmi konfirmohet nga agjencia kineze e lajmeve Xinhua, sipas së cilës trupat irakiane, të mbështetura nga forcat ajrore iu kundërpërgjigjën sulmit të ekstretistëve të IS-it kundër qytezës Fellujah, 40 km në perëndim të Bagdadit. Gjatë betejës u vranë 22 vetë, 16 ndër të cilët ishin militantë të IS-it dhe 6 të tjerë, pjesë e trupave qeveritare.

Ndërkohë, trupat irakiane nisën sulmin ndaj militantëve të IS-it në lindje të qytetit Ramadi, duke rimarrë në kontroll 4 fshatra dhe 2 depo municioni. Si pasojë e sulmit gjetën vdekjen 18 ekstremistë, ndër të cilët 2 janë të huaj. Policia deklaroi që trupat irakiane shkëmbyen zjarr me ekstremistët e IS-it në veri dhe jug të qytetit Ramadi, duke shkaktuar 82 militantë të vdekur.(Jiang Lei)