Komisioni Europian bëri të ditur të hënën përmes një raporti se që pas shpërthimit të krizës së borxheve europiane, Spanja, Italia, Portugalia dhe Greqia si katër vendet e goditura më rëndë nga kriza, zbatuan me efikasitet reformat ekonomike. Ai shtoi se pas reformës mjedisi tregtar është përmirësuar dhe parashikohet të ketë rritje në të ardhmen.

Komisioni i BE-së publikoi një raport me titull "Efekti i reformave të tregut", ku theksohet se nëpërmjet zbatimit të programit të reformave, katër vendet kanë ulur kostot administrative, kanë pakësuar barrierat tregtare dhe është parë një përmirësim i mjedisit tregtar.

Sipas raportit, 40% e vëllimit të përgjithshëm të PBB-së u favorizua nga reforma ekonomike, me një rritje të konsiderueshme të produktivitetit të punës, ku Portugalia shënoi një rritje prej 4.3% , Italia prej 7%, kurse Greqia 9%. (Vera)