Presidenti kinez Xi Jinping arriti të mërkurën në qytetin perëndimor indian Ahmedabad të shtetit Gujarat, vendlindja e kryeministrit Narendra Modi, duke filluar vizitën e tij treditore në Indi.
Kjo është vizita e parë e z. Xi në Indi që kur ai mori detyrën në mars 2013 dhe vizita e parë zyrtare në tetë vjet e një presidenti kinez në Indi.
Xi pritet të marrë pjesë në disa veprimtari të përbashkëta me Modin në Ahmedabad të mërkurën pasdite, para se të shkojë në kryeqytetin Nju-Delhi në mbrëmje.
Presidenti Xi do të takohet me presidentin indian Pranab Mukherjee dhe udhëheqës të tjerë politikë. Kreu i shtetit kinez do të mbajë një fjalim në Nju-Delhi për marrëdhëniet Kinë-Indi dhe politikën e Kinës në Azinë Jugore. (Artan)