Diferenca mes fushatave të "jo"-së dhe "po"-së në referendumin për pavarësinë e Skocisë është shtuar me 8 pikë përqindjeje, tregoi rezultati i një sondazhit të fundit të shtunën.

Sondazhi telefonik i kryer nga kompania "Survation" nga e mërkura deri të premten, tregoi se për pavarësinë e Skocisë janë kundër 54 për qind, ndërsa "po" 46 për qind, pas heqjes së votuesve të pavendosur.

Rezultatet e sondazhit të fundit në internet të "Survation" treguan se për "po"-në do të votonin 47 për qind e të pyeturve, kurse për "jo"-në 53 për qind.

Referendumi për pavarësinë e Skocisë do të zhvillohet të enjten e ardhshme. (Artani)