Rusia deklaroi të enjten se do të kundërshtojë sanksionet e reja të vendosura nga Bashkimi Europian (BE), ndërsa e quajti lëvizjen e fundit të Brukselit si dritëshkurtër që nuk i shërben procesit të paqes në Ukrainë.

"Siç e kemi theksuar tashmë, këto sanksione të reja nuk do të mbeten pa një reagim të duhur nga ana jonë," tha Ministria e Jashtme ruse në një deklaratë të lëshuar pasi BE-ja miratoi një paketë të re sanksionesh kundër sektorit financiar dhe të energjisë të Rusisë .

"Prirja brenda BE-së për të përkeqësuar më tej marrëdhëniet tashmë të tensionuara me Rusinë po bëhet e qartë," tha ministria. "Hapat e BE-së duken veçanërisht të parëndësishme dhe dritëshkurtra, ndërsa në Ukrainë është vendosur një paqe e brishtë."

Ministria akuzoi BE-së se po qëndron kundër zgjidhjes paqësore të krizës në Ukrainë. (Leftion Peristeri)