Kryetari i Shtetit i Kinës Xi Jinping u nis të mërkurën për të marrë pjesë në samitin e 14-të të Organizatës së Bashkëpunimi të Shangait (OBSh), që do të nisë të enjten në Dushanbe të Taxhikistanit.
Siguria rajonale dhe bashkëpunimi ekonomik do të jenë temat kryesore të samitit dyditor.
Pas pjesëmarrjes në samitin e OBSh-së, Xi Jinping do të bëjë vizita zyrtare në Taxhikistan, Maldive, Sri-Lankë dhe Indi.
Zv.ministri i Jashtëm kinez Cheng Guoping thotë:
"Samiti do të përcaktojë masat që do të marrë OBSh-ja për përballimin e kërcënimeve dhe të sfidave në kushtet e reja dhe do të ketë rëndësi të madhe për stabilitetin dhe zhvillim rajonal."
Liderët pjesëmarrës në samit pritet të publikojnë Deklaratën e Dushanbesë dhe të miratojnë një numër dokumentesh për zgjerimin e OBSh-së. (Fani/Artani)