Forumi i këtij viti mbi zhvillimin e Tibetit të Kinës përfundoi të mërkurën në Lhasa. Gjatë dy ditëve, mbi 100 dijetarë, politikanë dhe gazetarë të ardhur nga 33 vende e rajone të botës, duke përfshirë Kinën, Britaninë, ShBA-në, Indinë etj., morën pjesë në këtë forum dhe arritën Konsensusin e Lhasës.

Ky është forumi i parë mbi zhvillimin e Tibetit, që u zhvillua në Tibet. Në forum u zhvilluan diskutime edhe mbi mbrojtjen e lirisë fetare, kulturës dhe mjedisit në Tibet.

Forumi ka luajtur një rol për shtimin e mirëkuptimit dhe miqësisë, nxitjen e arritjes së konsensusit dhe eleminimin e keqkuptimit, tha Cui Yuying, zv/drejtorja e Zyrës së Informacionit pranë Këshillit të Shtetit të Kinës në ceremoninë e mbylljes.

"Ai u ka krijuar pjesëmarrësve një platformë të shkëmbimeve dhe gjithashtu i ka informuar ata më shumë për Rajonin Autonom të Tibetit, në një nivel të ri," tha ajo.

Otto Kolbl, studiuesi i Universitetit të Lausanne-s në Zvicër, tha se gjatë diskutimeve në grupin e tij, pjesëmarrësit ranë plotësisht dakord se banorët vendas duhet ta vënë në plan të parë zhvillimin ekonomik dhe ekologjik në Tibet. (Wang Lei)