Kryetari i shtetit i Kinës Xi Jinping takoi të martën në Havanë udhëheqësin kuban Fidel Kastro.

Gjatë takimit, Xi Jinping-u theksoi se vizita e tij në Kubë ka për qëllim trashëgimin e miqësisë tradicionale kino-kubaneze, si dhe që t'u japë një impuls të ri marrëdhënieve të bashkëpunimit mes dy vendeve. Xi e njohu Kastron edhe me rezultatet e samitit të liderëve të vendeve të BRICS-it, të zhvilluar kohët e fundit në Brazil.

Fidel Kastro shprehu mirëpritje për vizitën e Xi Jinping-ut në Kubë. Ai tha se gjendja e tanishme ndërkombëtare po kalon ndryshime të thella. Tregjet e reja dhe vendet në zhvillim po rigjallërohen dhe kanë një ndikim më të madh në botë. "Zhvillimi i Kinës do të luajë rol të rëndësishëm për të nxitur paqen dhe zhvillimin e botës," vuri në dukje udhëheqësi kuban Fidel Kastro. (Vera)