Vendet e BRICS-it konfirmuan planet për themelimin e një banke të re zhvillimi dhe një fondi emergjence.

Brazili, Rusia, India, Kina dhe Afrika e Jugut, kanë përcaktuar projektin gjatë samitit të gjashte dyditor të mbajtur në Brazil.

Banka e Re e Zhvillimit do ta ketë selinë në Shangai. Çdo vend anëtar do të kontribuojë me 10 miliardë dollarë.

Kapitali prej 50 miliardë dollarësh mund të ngrihet në 100 miliardë në të ardhmen.

Në të njëjtën kohë, një fond emergjence prej 100 miliardë dollarësh është përcaktuar për të mbështetur vendet e BRICS-it në rast të mungesës së likuiditetit në tregjet financiare ndërkombëtare. (Leftion Peristeri)