Presidenti i Komisionit Europian Jose Manuel Barroso tha të hënën se hapja e negociatave për anëtarësimin e Shqipërisë në BE, do të vijë pas monitorimit rigoroz të reformave të ndërmarra nga qeveria e Tiranës.

Barroso i bëri deklaratat e tij gjatë qëndrimit në Tiranë, ndërkohë më herët javën e kaluar, BE-ja vendosi t'i japë Shqipërisë statutin e vendit kandidat.

Në një konferencë të përbashkët me kryeministrin shqiptar Edi Rama, Barroso uroi Shqipërinë për statusin e vendit kandidat dhe shtoi se Komisioni Europian do të qëndrojnë në anën e Shqipërisë gjatë gjithë periudhës së integrimit, ku procesi i radhës është hapja e negociatave.

Duke iu drejtuar deputetëve, Barroso tha se "konsensusi në është kyç për rrugëtimin europian."

Kryeministri Edi Rama theksoi se marrja e statusit të vendit kandidat për qeverinë shqiptare është një moment që i ngarkon një përgjegjësi të re: "Nuk e marrim statusin si një trofe dhe nuk e konsiderojmë një arritje të njëanshme. Duam të bëhemi anëtarë të BE-së, por për këtë kemi ende detyra të vështira për të realizuar," tha Rama. (Leftion Peristeri)