Kryeministri kinez Li Keqiang, që ndodhet për një vizitë zyrtare në Greqi, mori pjesë të shtunën në ceremoninë e përurimit të rikonstruksionit të Muzeut të Heraklionit bashkë me homologun e vet grek Antonis Samaras.

Kryeministri Li tha në këtë ceremoni se, gjatë qëndrimit të tij në Greqi, dy vendet kanë publikuar një deklaratë të përbashkët dhe kanë nënshkruar një sërë dokumentesh bashkëpunimi, përfshirë krijimin e qendrave kulturore në të dy vendet.

Sipas Li, tani do të ketë hapësirë më të gjerë për shkëmbimet dhe bashkëpunimin kino-grek në fusha të ndryshme, sidomos në kulturë.

Kryeministri grek Antonis Samaras theksoi nga ana e vet se, si Kina, ashtu edhe Greqia, kanë kulturë dhe pasur dhe qytetërimi i tyre i vjetër i lidh ngushtë të dy vendet dhe shërben si urë bashkëpunimi midis Lindjes e Perëndimit.

Ishulli i Kretës është djepi i qytetërimit antik grek dhe Muzeu i Heraklionit në këtë ishull ka një histori më shumë se 100-vjeçare. Pas 7 vjetësh rikonstruktimi, ky muze është rihapur për publikun. (Wang Xianya/Artani)