Nga data 16 deri më 19 qershor kryeministri i Kinës Li Keqiang zhvilloi një vizitë zyrtare në Britani, gjatë së cilës u takua me personalitete të larta të shtetit si dhe ishte i pranishëm në nënshkrimin e marrëveshjeve të bashkëpunimit në fusha të ndryshme. Komuniteti ndërkombëtar është i mendimit se vizita e kryeministrit kinez Li Keqiang në Britaninë e Madhe do të forcojë më tej marrëdhëniet kino-evropiane.

Drejtori i Qendrës së Studimeve Ekonomiko-Politike të Evropës, Frederick Erixon tha se vizita aktuale e kreut të qeverisë kineze në Britani, jo vetëm ka forcuar lidhjet ekonomiko-tregtare mes dy vendeve, por ka hedhur bazat për konsolidimin e bashkëpunimit midis Kinës dhe BE-sënë fushën tregtare dhe ekonomike, me interes reciprok. Sipas tij, forcimi i bashkëpunimit kino-evropian ndodh në kohën e duhur.

Më 18 qershor gazeta "European Times" në një koment të saj nënvizon se magjia personale e liderit kinez, sinqeriteti i zhvillimit paqësor dhe përfitimit të ndërsjelltë, si dhe mbështetja e Kinës për zhvillimin e Evropës gjatë krizës së borxheve, tregojnë besueshmërinë e partneritetit të Kinës. (Vera)