Gjermania shkatërroi Portugalinë e Kristiano Ronaldos në ditën e pestë të ndeshjeve për Kupën së Botës Brazil 2014. Një tregolësh i Thomas Muller-it dhe goli me kokë i Mats Hummels-it u dhanë gjermanëve një fitore 4-0 ndaj Portugalisë, që një pjesë të mire të lojës luajti me 10 lojtarë.
Në ndeshjen tjetër për grupin G ShBA-Ganë, amerikanët kaluan përpara që në sekondën e 30-të të ndeshjes, kur Clint Dempsey shënoi golin më të shpejtë për ShBA-në në një kampionat botëror. Gnezët arritën në barazojnë në pjesën e dytë me anë të Ayew, por një gol me kokë i John Brooks-it katër minuta para përfundimit të kohës së rregullt u dha Shteteve të Bashkuara fitoren 2-1.
ShBA-Ganë
Nigeri dhe Iran
Përplasja mes Nigerisë dhe Iranit në Grupin F përfundoi pa gola, barazimi i parë në këtë kupë bote.
Në tre ndeshjet e ditës së gjashtë, Belgjika do të përballet me Algjerinë në grupin H, ndërsa po për këtë grup Rusia do të luajë kundër Koresë së Jugut.
Ndërkohë, Brazili do të luajë ndeshjen e vet të 2-të të turneut kundër Meksikës. (Artani)