Dy gola Van Persi, dy gola Ariel Roben dhe një gol Stefan De Vrij ishin arkitektët e shkurorëzimit të kampionëve të botës.
Edhe pse Spanja ishte e para që gjeti rrugën e rrjetës, dallga hollandeze përbysi spanjollët.
Ksabi Alonso ishte i pari që çeli spektaklin e golave, pas një 11-të metërshi të siguruar nga Diego Kosta. Më tej nisi vrulli portokalli, ku Robin Van Persi, ishte i pari që përcolli topin në rrjetën e Kasilias, pas një krosi të shkëlqyer nga e majta e Blind.
Më tej ishte një super Roben, që në fillimin e pjesës së dytë arriti të driblonte pikën dhe të gjendej i vetëm përballë Kasilias, nga ku ishte tepër e lehtë për bavarezin për të shënuar, duke e çuar rezultatin në 2-1.
Spanjollët kërkuan të reagojnë, por ishte e pamundur të ndalej vrulli i portokallinjëve, të cilët përmes De Vrij shfrytëzojnë një përgjumje të portierit Kasilias dhe shënojnë pas një goditje këndi golin e tretë.
Më tej në fushë ishin vetëm nënkampionët e botës, të cilët i dhanë formë të plotë hakmarrjes së tyre duke shënuar edhe dy gola të tjerë. Fillimisht Robin Van Persi, i cili realizoi golin e dytë personal. Edhe në këtë rast ka qenë gafa e Kasiliasit që i dha mundësi lojtarit të Mancester Junajtid të dërgojë topin në rrjetë.
Shfaqjen e golave e mbylli Roben. Pas një inkursioni në qendër të zonës, bavarezi mjaft i shpejtë driblon Kasiliasin dhe shënoi golin e pestë. (ata.gov.al)
