Më 11 qershor, u mbyll në qytetin Ningbo të Kinës lindore Panairi i prodhimeve karakteristike të vendeve të Evropës Qendrore e Lindore. Pjesëmarrësit shqiptarë në panair, përveç ekspozimit të prodhimeve vendëse, patën shumë kontakte me partnerë tregtarë. Drejtori i Ndërmarrjeve të Mesme dhe të Vogla pranë Drejtorisë së Përgjithshme të Investimeve dhe të Zhvillimit të Shqipërisë, Daniel Guçe tha se panairi u zhvillua me sukses dhe se deri ditën e fundit u shitën të gjitha prodhimet e eksponatit shqiptar. Ai shprehu dëshirën se nëse do të zhvillohet një panair tjetër i këtij lloji, pala shqiptare do të rritë numrin e prodhimeve.

Prodhimet e Shqipërisë në Panairin e Ningbosë ishin të gjitha natyrore dhe me cilësi të lartë, ndaj tërhoqën vëmendjen e partnerëve tregtarë dhe të vizitorëve. Sipas zotit Guçe prodhime si mjalti "Morava", vaji i ullirit "Neranxi" u pritën mjaft mirë. Blerësit shprehën interes për këto prodhime dhe për një pjesë të tyre u arritën marrëveshje fillestare me ndërmarrjet shqiptare.

Mbi 180 ndërmarrje nga 16 vende të Evropës Qendrore dhe Lindore morën pjesë në panair. Shqipëria u paraqit në këtë edicion të panairit me prodhime vendëse të propoganduara me moton "Shëndeti dhe Mjedisi". (Çang Çuo)