Ministri i Zhvillimit ekonomik, Tregtisë dhe sipërmarrjes i Shqipërisë Arben Ahmetaj i tha gazetarit të redaksisë së gjuhës shqipe të CRI-së se vëllimi i tregtisë dypalëshe midis Shqipërisë e Kinës ka një rritje të qendrueshme dhe marrëdhëniet dypalëshe po hyjnë në një etapë të re zhvillimi.

Arben Ahmetaj shprehu kënaqësinë për bashkëpunimin tregtar dypalësh dhe optimizmin për perspektivën e këtij bashkëpunimi, veçanërisht në fushën e energjisë dhe të transportit detar. Ai shtoi se Banka Qendrore e Kinës dhe Banka e Shqipërisë kanë nënshkruar marrëveshjen e këmbimit monetar që do të nxitë shkëmbimet ekonomiko-tregtare dypalëshe. (Fani)