Autoritetet e larta të Partisë në Kinë janë të angazhuara për të goditur ashpër sulmet terroriste dhe për të ruajtur stabilitetin në Xinjiang.

Ky premtim u theksua gjatë një takimi të drejtuar nga presidenti i Kinës, Xi Jinping.

Udhëheqja qendrore u zotua gjithashtu për përpjekje në drejtim të përmirësimit të kushteve të jetesës së banorëve në Xinjiang, duke premtuar rritjen e nivelit të punësimit të tyre, si një përparësi të axhendës.

Ky takim u zhvillua pas bërjes publike të fushatës kombëtare njëvjeçare të luftës kundër terrorizmit. Në kuadër të kësaj fushate në qytetet kryesore të Kinës janë shtuar masat për ruajtjen e rendit dhe sigurisë publike. (Eda Merepeza)