Kryeqendra e Rajonit Autonom të Singjian-Ujgurit, Urumqi, ka forcuar kontrollet e sigurisë në pikat e hyrjes, për të frenuar kontrabandën e armëve, njoftuan të premten autoritetet doganore të qytetit.
Sipas Doganës së Urumqi-t, pikat kufitare kanë shtuar kontrollet e sigurisë për individët, bagazhet, objektet e transportit dhe dërgesat postare.
Kjo nismë erdhi pas shpërthimit terrorist të së enjtes në një treg të hapur në Urumqi, nga ku mbetën të vrarë 31 persona dhe u plagosën mbi 90 të tjerë.
Rajoni Autonom i Singjian-Ujgurit mbulon një sipërfaqe mbi 1.66 milionë metrash katrorë. Ai kufizohet me 8 shtete përfshi Indinë, Pakistanin, Afganistanin dhe Rusinë.
Pozita e tij gjeografike dhe mjedisi rrethues kompleks kanë paraqitur sfida në luftën kundër kontrabandës së armëve. (Albana)