Një numër shpërthimesh në një treg të hapur në Urumqi, kryeqendra e Rajonit Autonom Xinjiang-Uygur në veriperëndim të Kinës, kanë shkaktuar 31 të vrarë e mbi 90 të plagosur.
Dëshmitarët në vendngjarje thonë se dy makina hynë në turmën e njerëzve rreth orës 8 të mëngjesit të së enjtes. Nga makinat u hodhën lëndë shpërthyese. Po ashtu edhe një prej makinave shpërtheu në treg.
Tregu ndodhet pranë Parkut Popullor në qendër të Urumqit. Policia ka bllokuar vendin e ngjarjes, teksa të plagosurit janë dërguar urgjentisht në spital. (Artani)