PËR NE  VEND PUNE
      
cri albanian.cri.cn
Faqja e parë | Lajme | Kina Sot | Fokus ekonomik | Kultura | Kozmopolit | Shëndeti | Fjala në Lajm | Koment për RJK Muzikë | Revista "Ejani"
Ukrainë, regjistrohen katër të vdekur në qytetin e Slavyansk-ut
2014-05-06 09:50:03 CRI Komenti juaj Printoni

Të paktën katër forca ushtarake ukrainase u vranë dhe rreth 30 të tjerë mbetën të plagosur gjatë operacionit kundër protestuesve pro rusë në qytetin lindor të Slavyansk-u.

Pasojat erdhën pas operacionit të ri kundër terrorist të trupave qeveritare në qytet ndaj 800 forcave pro ruse.

Marina Pyatogorskaya është një banore e Slavyansk-ut e plagosur gjatë operacionit.

"Ne shkuam brenda për të ngrënë, dhe në atë kohë filluan të shtënat që zgjatën për rreth 40 minuta. Dhe pastaj asgjë. Filluan përsëri, e më pas ndodhi një shpërthim. Në fillim mu errën sytë, filluam të vraponim, por nuk mund të shikonim asgjë."

Slavyansk-u, që ka një popullsi prej 125,000 banorësh, është bërë qendra e kryengritjes në Ukrainë kundër autoriteteve të Kievit.

Ndërkohë, autoritetet ukrainase kanë dërguar trupa speciale, të ashtuquajtura elitë, për të rivendosur kontrollin në qytetin jugor port të Odessa-s.

Më herët, rreth 40 protestues pro rusë u vranë gjatë uzurpimit të një ndërtese vendore, të cilës më pas iu vu flaka.

Maryna Ostapenko është zëdhënëse e Shërbimeve të Sigurisë së Ukrainës:

"Aktivistët pro rusë nuk mund të zmbrapsen. Situata vazhdon të jetë e tensionuar. Separatistët po shtojnë aktivitetin e tyre me qëllim për të destabilizuar lindjen e Ukrainës. Ndërkohë, forcat kryesore kundër terrorizmit po ridislokohen për të siguruar kufijtë lindorë me qëllim ndalimin e njerëzve të armatosur për të hyrë në Ukrainë nga Federata Ruse."

Kievi ka fajësuar në mënyrë të përsëritur Moskën për nxitjen e trazirave me qëllim ndarjen e Ukrainës. Por Rusia ka mohuar çdo përfshirje.

Më parë, presidenti rus Vladimir Putin zhvilloi një bisedë telefonike me kancelaren gjermane Angela Merkel, duke përsëritur thirrjen e tij për bisedime midis Kievit dhe demonstruesve pro rusë.

Ndërkohë, Kievi mbështeti nismën e Gjermanisë për të mbajtur një raund të dytë bisedimesh diplomatike në Gjenevë për të ndalur dhunën në Ukrainë.

Muajin e kaluar, Ukraina, Rusia, SHBA dhe BE arritën një marrëveshje që bënte thirrje për të gjitha palët në konflikt që të distancohen nga dhuna. (Leftion Peristeri)

Mrekulli
Komenti im
Forum

Sondazh me dëgjuesit për dy sesionet e vitit 2015 në Kinë

Voto tani, shijo falas më vonë
Artikuj top
Rubrika top
China Radio International.CRI. All Rights Reserved.
16A Shijingshan Road, Beijing, China