Autoritetet kineze kanë bërë të ditur planin për lejimin e investimeve të aksioneve ndërkufitare mes Shangait dhe Hong-Kongut. Komisioni i Rregullores së Letrave me Vlerë të Kinës ka njoftuar se do të lejohen investitorët e pjesës kontinentale të Kinës të kryejnë veprime aksionere me kompanitë e listuara nga Hong Kongu, por në të njejtën kohë edhe investitorët nga Hong Kongu mund të blejnë aksione nga firmat e listuara të Shangait. Sipas komisionit, numri i kompanive që do të kryejnë këto investime do të jetë i kufizuar dhe në to përfshihen kryeshisht firma që kanë shkëmbime dypalëshe.

Në planin e ri nuk lejohen investimet e huaja në Shenzhen. Investimet nga Hong Kongu në pjesën kontinentale të Kinës do të jenë në kuotën 300 miliardë yuan, kurse kufiri ditor i kuotës do të jetë 13 miliard yuan. Ndërsa kuota e investimeve nga pjesa kontinentale e Kinës në Hong Kong do të jetë 10.5 miliard yuan. (Eda Merepeza)