Fondi Monetar Ndërkombëtar ka ulur shifrën e parashikimit të rritjes globale ekonomike për këtë vit dhe vitin e ardhshëm. Në raportin e fundit, FMN thekson se rritja ekonomike globale e këtij viti pritet të jetë 3.6%, ndërsa e vitit të ardhshëm 3.9%. Sipas shefit të Departamentit të Kërkimeve të FMN-së, Olivier Blanchard, momentalisht Kina ka një rritje ekonomike të qëndrueshme. "Ne mendojmë se Kina do të jetë në gjendje të përballojë çeshtjen e kreditit dhe jemi optimistë për një rritje ekonomike", ka theksuar ai.
FMN parashikon një rritje ekonomike të Kinës në 7.5% këtë vit dhe 7.3% në vitin 2015. Në të njejtën kohë FMN pret rritje në ekonomitë e vendeve të zhvilluara me 2.2% këtë vit dhe 2.3% vitin e ardhshëm. (Eda Merepeza)