Zgjedhjet presidenciale siriane do të zhvillohen sipas planit dhe Damasku nuk do t'i shtyjë ato për asnjë arsye, bëri të ditur të hënën Ministria siriane e Informacionit.

Sipas ministrit të Informacionit, Omran Al-Zoubi, qeveria siriane do të përfundojë procedurën përkatëse brenda afatit të përcaktuar nga kushtetuta. Ai theksoi gjithashtu që Damasku nuk do të lejojë askënd të pengojë zhvillimin e zgjedhjeve.

Muajin e kaluar, parlamenti sirian miratoi një projektligj, ku u përcaktua qartë kualifikimi për kandidatët. Sipas këtij projektligji, të përzgjedhurit duhet të jetojnë mbi 10 vjet në territorin sirian. Kjo nënkupton që opozitarët jashtë Sirisë nuk do të kualifikohen për në zgjedhjet presidenciale. (Jiang Lei/Albana)