Zv/ministri i Tregtisë, njëherësh përfaqësues kinez në bisedimet tregtare ndërkombëtare, Zhong Shan ka deklaruar se Kina do të shtojë investimet e huaja, duke zbatuar reformën në menaxhimin e tyre si dhe krijimin e listës së zezë në trajtimin e investimeve.

"Aktualisht, Kina po menaxhon investimet e huaja bazuar në sistemin shqyrtues dhe orientues, një procedurë kjo e ndërlikuar, që duhet ndryshuar," tha Zhong Shan. Krijimi i zonës së tregtisë së lirë të Shangait është mirëpritur jashtë, ndaj duhet punuar për trajtimin e investimeve dhe krijimin e listës së zezë", shtoi ai.

Lidhur me krizën financiare globale, Zhong Shan tha se për daljen nga kriza duhet të formohet një sistem global, me hapje dhe fitime reciproke. "Sistemi shumëpalësh i tregtisë është gur themeli i tregtisë globale dhe OBT-ja është e rëndësishme për ekonominë botërore. Kina është e gatshme të bashkëpunojë me komunitetin ndërkombëtar për nxitjen e tregtisë shumëpalëshe drejt hapjes dhe barazisë," shtoi Zhong. (Jiang Lei)