Sipas Treguesit paraprak të Menaxherëve të Blerjes (PMI) të bankës HSBC, veprimtaria prodhuese në Kinë në mars është ulur për të tretin muaj me radhë, duke arritur nivelin më të ulët në tetë muaj. Ky tregues këtë muaj është ulur në 48.1, nga 48.5 që ishte në shkurt.

Vlera e PMI-së mbi 50 tregon rritje, kurse nën 50 ulje.

Në janar Treguesi i Menaxherëve të Blerjes i HSBC-së u ul në 49.5, nga 50.5 që ishte në dhjetor, përkeqësimi i parë i gjendjes së sektorit të manifakturës në Kinë që nga korriku 2013.

Kryeekonomisti për Kinën i HSBC-së Qu Hongbin u shpreh se rënia e këtij treguesi do të thotë se ritmet e rritjes ekonomike të Kinës po vazhdojnë të ngadalësohen, gjë që sipas tij nga ardhur kryesisht nga rënia e kërkesës së brendshme. (Artani)