Vëllimi i përgjithshëm i Prodhimit të Brendshëm Bruto të vendeve të G20-s vitin e kaluar u rrit me 2.8 %, 0.1 pikë përqindjeje më pak se në vitin 2012. Kështu del nga të dhënat e publikuara të hënën nga Organizata për Zhvillim dhe Bashkëpunim Ekonomik.

Në tremujorin e 4-t të vitit 2013, GDP-ja e vendeve të G20-s u rrit 3.3 %, 0.4 % më shumë në krahasim me tremujorin e tretë. Rritjen më të madhe e ka pasur ekonomia kineze, me 7.7 %, ndërsa Italia njohu rënien të madhe ekonomike, me 0.9 %.

Organizata për Zhvillim dhe Bashkëpunim Ekonomik parashikon se në një periudhë afatshkurtër ekonomia botërore do të vijojë të ruajë rritjen e lehtë, ekonomitë kryesore të zhvilluara do të vazhdojnë rritjen e qëndrueshme, ndërsa ekonomitë në zhvillim, me përjashtim të Kinës, do të ruajnë nivelin mesatar të rritjes. (Fang Xiaoyu/Artani)