Banka qendrore e Kinës e ka lehtësuar kontrollin e vet mbi juanin, duke dyfishuar që nga e hëna kufirin ditor të tregtimit të monedhës kineze. Kufiri ditor i luhatjes së juanit do të lejohet të rritet ose të ulet me 2 për qind nga një normë mesatare ditore e vendosur nga Banka Popullore e Kinës çdo mëngjes.

Analistët mendojnë se kjo masë është shenjë e besimit se Banka Popullore e Kinës ka qenë e suksesshme në luftën kundër spekulimit me monedhën.

Rritja e kufirit ishte e pritshme pas rënies së vlerës së juanit nga mesi i shkurtit deri në fillim të marsit.

Juan u rrit 2.9 për qind kundrejt dollarit amerikan vitin e kaluar, shumë më tepër se monedhat e vendeve të tjera në zhvillim.