Përfaqësuesi i përhershëm i Kinës në OKB dhe në organizatat e tjera ndërkombëtare në Vjenë, Cheng Jingye, theksoi të mërkurën se Irani ka zbatuar masat përkatëse të arritura në nëntorin e kaluar me Agjencinë Ndërkombëtare për Energji Bërthamore (ANEB), duke u angazhuar më tej. Ai e quajti këtë një hap pozitiv, por nënvizoi se duhen më shumë përpjekje për zgjidhjen e të gjitha problemeve.

Në fjalimin e tij në mbledhjen e Këshillit të ANEB-it, ai tha Kina shpreson se kjo organizatë do të vazhdojë të luajë një rol konstruktiv për zgjidhjen në mënyrë paqësore të çështjes bërthamore iraniane.

Cheng shtoi se Kina i qëndron gjithnjë mendimit se dialogu dhe bisedimet janë rruga e vetme e drejtë për zgjidhjen e këtij problemi. Ne, tha ai, kemi punuar dhe punojmë për nxitjen e zhvillimit të bisedimeve për paqen dhe kemi luajtur rol konstruktiv për nxitjen e procesit të bisedimeve mbi problemin bërthamor të Iranit. Kina do të japë 1.5 milionë juanë për zhvillimin e kontrollit bërthamor në Iran. (Du)