Në mbledhjen e drejtuar nga sekretari i përgjithshëm i Partisë, Xi Jinping, anëtarët e Byrosë Politike të Komitetit Qendror të Partisë, diskutuan lidhur me raportin e punës qeveritare, që do të dorëzohet për shqyrtim në sesionin vjetor të Asamblesë Kombëtare Popullore në fillim të marsit.
Pjesëmarrësit ranë dakord që në të ardhmen qeveria do të vijojë me zbatimin e politikave fiskale pro-aktive dhe ato të matura monetare. Ndërsa, politikat e makrokontrollit duhet të stabilizohen për të siguruar rritjen ekonomike në një nivel të përshtatshëm në bazë të ngritjes së cilësisë dhe të efektivitetit.
Në këtë mbledhje, kërkesa e brendshme u përcaktua si "motori kryesor" i nxitjes së rritjes ekonomike. Gjithashtu u theksua edhe rëndësia e modernizimit të bujqësisë, mbrojtjes së mjedisit, luftës kundër ndotjes së ajrit, reformën e sistemit të sigurimeve shëndetësore, urbanizimit, zhvillimit të arsimit, si punën e qeverisë në vitin tjetër në favor të përmirësimit të standardit të jetesës. (Zhang Yan)
