Trazirat kanë shpërthyer përsëri në kryeqytetin e Ukrainës Kiev të martën paradite, kur protestuesit u përleshën pranë ndërtesës të parlamentit me policinë. Gjatë përleshjeve që zgjatën deri natën vonë, të paktën 18 veta kanë vdekur, prej të cilëve 11 civilë dhe 7 policë.

Sipas autoriteteve, një pjesë e demonstruesve ishin të armatosur dhe kanë qëlluar mbi policinë. Ministria e Brendshme e Ukrainës njoftoi të martën për 7 policë të vrarë dhe 298 të tjerë të plagosur. Ndërkohë, mediat lokale bëjnë të ditur se shumica e 11 civilëve të vrarë janë demonstrues, ndërsa një ishte punonjës në selinë e partisë në pushtet.

Protestat antiqeveritare në Kiev nisën muajin e kaluar, por përmasa dhe niveli i dhunës në to kanë qenë mjaft më të vogla se tani. (Xu Guang/Artani)