Udhëheqësi suprem i Iranit Ajatollah Ali Khamenei u shpreh të hënën se ai nuk është optimist lidhur me bisedimet për çështjen bërthamore të Iranit.
"Nuk jam kundër bisedimeve, por nuk jam optimist," tha Khamenei, duke shtuar se çështja bërthamore e Iranit është një justifikim për Shtetet e Bashkuara dhe nuk do ta ndalojë armiqësinë mes dy vendeve.
Megjithatë, udhëheqësi suprem iranian u shpreh se vendi i tij do të vijojë të marrë pjesë në bisedime.
Deklaratat e tij Khamenei i bëri një ditë përpara rifillimit të raundit të ri të bisedimeve për çështjen bërthamore iraniane mes Grupit 5+1 (Shtetet e Bashkuara, Rusia, Kina, Franca, Britania dhe Gjermania) dhe Iranit, që do të nisin të martën në kryeqytetin austriak Vjenë.